Tepişteyo nêweş Alî Şen 31 serran ra dima Zîndanê Yozgatî ra vera dîya. Şen 1993 de sebebanê sîyasîyan ra Mersîn de amebi destbendkerdene û îşkenceyê giranî ra dima hetê Mehkemeya Asayîşî ya Dewlete ra tepişîyabi.

Şenî rê 'xerakerdişê yewî û yewparetîya dewlete' ra cezaya muebede dîyabî. Şenî 12ê temmuza 2023yî de cezaya xo temam kerdbî. Seba ke Şenî ferzkerdişê 'poşmanîye' qebul nêkerdbî înfazê ci qasê 5 reyî amebi vêşnayene.