Tirkîya û Vakurê Kurdîstanî de xebatê weçînayîşî yê Partîya Çep a Keske dewam kenê.

Riha de qezaya Karakoyî de bi beşdarîya namzedanê xo Partîya Çep a Keske buroyê weçînayîşî akerd.Akerdiş de namzede Ayşe Tutku û Ferît Şenyaşarî qisey kerd. Înan pare kerd ke ê xurt ê û pê îradeyê şarê xo bawerê. Dima bi slogananê ''Bijî berxwedana Şenyaşaran“ û “Riha bi te serbilind e“ buro ame akerdene.

Adana de namzedan Tulaye Hatîmogullari, Ferhat Kabaîş, Mehmet Karakaş û Şukran Efeturkî taxa Akdenîz Havutluyî ya qezaya Yuregîrî de şarî reyde kombîyayîş kerd û waşt ke buroyê weçînayîşî abikerê. Polîsan wextê akerdiş de pê wesayîtanê zirxînan xîret kerd ke provakasyon bikerê. La şarî û namzedan bi xoşî buro akerd. Namzedan tîya de îfade kerd ke ê do ser bikewê û îqtîdarê AKP-MHPyî bin bivisnê.

Mersîn de zî namzedî Mustafa Turkî esnaf û keyeyî zîyaret kerd. Turkî zîyaretanê xo de venga pêro kesan da ke wa wayîrê sindoqan vejîyê.