Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde serrgêra 3. ya qirkerdişî de xoverdayîşê xo rê dewam kena. Keyeyê Şenyaşarî roja 98. de çalakîya xo ya nobeta edaletî de yo.

Emîne Şenyaşar pare kerd ke 3 serrî yo a gêrena edaletî û vat: ''Înan ma def kerdî, lajê mi derb kerd, ma eştî nezaret, vetî mehkeme ver. Lajê mi Fadil hucreyê yewkesî de tepişîyeno. Çira ê qeydanê nêweşxane eşkera nêkenê, qirkerdiş mîyan kenê? Ez 3 serrî ya gêrena edaletî. Kiştoxî nêdîyenê. Înan keyeyê mi qedîna.''

Ferît Şenyaşarî zî wina vat: ''Hetê wekîlêkî ra nêweşxane de 3 merdimê ma kişîyayê. 3 serrî vîyartî la hema zî dewa nêameya akerdene. Serdozgerîya Komare ya Riha kiştoxan pawena. Ma gerreyê nê dozgeran kerd. Ewro ma nêeşkayî şorê goristan. Çunke dadîya mi hol nîya. Na dadîye 3 mengî yo rayîr de gêrena edaletî. Wa her kes paştî bido nê qîrayîşî.''