Herêma Koyê Maya ya qezaya Heskîfî ya Êlîhî de menga hezîrane de şewat vejîya û bi rojan dewam kerd.

Ajansê Mezopotamya fotografyêk pare kerd ke hela destpêkerdiş şewatî mojneno ra ke  şewat operasyonê leşkerî de  vejîyayo ke 18ê hezîrane de dest pêkerd û 22ê hezîrane de heta Kercewsî vila bi.

Fotograf de yeno vînayene ke netîceya hêrişê helîkopterî de şewat vejîyeno. Dewleta tirke nêverdabi şar mudaxaleyê şewatî bikero, coka şewat resabi zereyê dewe. Şewat 23ê hezîrane de xeyrê varanî şibi hewna. Dewa Bilêxşe de badê şewatî texrîbato gird vejîyabi.

Dewleta tirke bi des serran o koyanê Kurdîstanî vêşnena. Her serre xeylêk warê daristanî bi zanayîş dîyenê adirî ver û ziraro pîl dîyeno ci.