Qezaya Sûrî ya Amedî de vizêr Burcê Kênayan de ciwanêkî bedenê xo da adirî ver. Dîya zanayene ke no ciwan Mehmet Akaro ke keyeyê ci pê îdîaya 'ameyo remnayene koyî' 2019 de şibi verê HDPyî û dima pê zorî amebi zewijnayene.

Akaro 25 serrre wedarîya Nêweşxaneyê Tipî yê Zanîngehê Dîcle û ame parekerdene ke rewşa ci giran a. Keyeyê Akarî verê nêweşxaneyî de vindeno û polîsî zî nêweşxane binê ablûqa de tepişenê.

Hetê bînî ra yew mektuba bi kurdkî ya ke aîda Akarî ya vejîyaye werte. Mektube de wina yeno vatene:

''Merheba embazênê, ez wazena çalakîya embaz Buboyî selam bikera. Rayber Apoyî ra xebere nêna girewtene. Destûr nêdîyeno ke o ne keyeyê xo ne zî avûkatanê xo bivîno. Muracatî bêsebeb yenê redkerdene. Ma hînî rewşa Rayber Apoyî ra qerqilîyenê.

Coka ez zî saete 21.21 de Burcê Kênayan ê Amedî de do bedenê xo bida adirî ver. Kila ke bedenê mi vêşnena wa Îmraliyî roşnî bikera. Ez hêvî kena ke na çalakîye do biba wesîleya azadîya Rayber Apoyî.

Bijî Serok Apo

Bijî Serok Apo

Bijî Serok Apo."

https://anfkirmancki.com/aktuel/merdin-de-veysi-tasi-vera-tecride-Imraliyi-xo-vesna-31833