Amed, Îstanbul û Îzmîr de çarçewa kampanyaya ‘Dîyaloganê bi cuya azade’ de serkêşîya Têgêrayîşê Cinîyan ê Azadan (TJA) de çalakîyî ameyî kerdene.

Amed de bînaya Rêxistina DBPyî ya Rezanî de çalakîye ameye kerdene. Salone de pankarta ‘Rayberîye reyde Dîyaloganê Cuya Azade’ daliqîyaye. Aktîvîsta TJA Arzu Karaman çalakîye de qisey kerd û vat ke ganî ê sey cinîyan verê polîtîkayanê şerê taybetî bigêrê. Arzuye vat: ‘’Azadîya Rayberîye azadîya cinî û komelî ya.’’ Hemsereka TUAY-DERî Yetere Emel Tuma zî çalakîye de şîîrêke wende. Sînevîzyonêk zî ame mojnayene.

Îstanbul de Merkezê Kulturê Mezopotamya de çalakîyêke ameye kerdene. Tîya de aktîvîsta TJA Mizgîne Duruk qisey kerd û vat ke înan analîzê Rayber Apoyî wendê û ganî cinîyî hîna zaf paradîgmaya Rayber Apoyî fam bikerê.

Îzmîr de serkêşîya TJA de bînaya DEM Partî de çalakîyêke ameye kerdene. Çalakîye de sînevîzyonê serê têkoşînê azadîya cinîyan ame mojnayene. Dima şîîrî ameyî wendene.