Amed de, derheqê xesaranê mîyanên û giranan de hetê Dadgeha Pêardişî ya 1ine, Ekspert û Baroya Amedî ra seba ke, awanîyê ke biqusur ê bêrê tespîtkerdene, kifşkerdişê delîlan ame destpêkerdene.

Bi muracaetê Baroyê Amedî 

Baroyê Amedî muracat kerdbî ke, heta ke delîlî bêrê arêdayene wa rijnayîşî bêrê vindartene. Dadgeha Pêardişî ya 1ine qerar da ke awanîyê ke biqusur ê, bêrê tespîtkerdene. Eksperto ke Dadgeha Pêardişî ya 1ine dîyar kena û Baroyê Amedî destpêkerd ke delîlan arê bidê.

 ‘Awanîyê ke biqusur ê, gere tespît bibê’

Hetkarê Serekê Baroyî Mehdî Ozdemîr: ‘‘Verê, ma wazenê ke, awanîyanê ke xesar girewto, etutê zemînî, demê viraştişî û kontrolkerdişî de, eke qusurêk est bibo, ma tespît bikerê. Seba ke prosesê huqûqî û cezaî dest pêbikero, gere nê çîyî rew bêrê kerdene. Ma wazenê ke kesê ke yan zî sazgehê ke perpisyarîya înan a nê awanîyanê xesarinan est a, hetê huqûqî ra vejîyê meydan. Ma wazenê ke wa şar nê heqanê xo bi hewayêko tesîrdar bixebitnê.’’