Tepişteyê dewaya PKK û PAJKî de 27ê teşrîna peyêne ra nata çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de grevê vêşanîye kenê. 

Goreyê agahîyanê ke ameyê girewtene Zîndanê Bi Asayîşê Berzî yê Antalya de tepişteyê ke grevê vêşanîye kenê, înan rê cezaya huvreyî ya 10 rojan ameya dayene.

Ame parekerdene ke Zîndanê Antalya de tepişteyê bînî zî wextê sewqê nêweşxaneyan de raştê kerdişanê cigêrayîşê zereyê fekî û kelemçeyê çepî yenê. Tepişteyê nêweşî seba ke nê ferzkerdişan qebul nêkenê sewqê nêweşxaneyan nênê kerdene.