Tepişteyê Zîndanê Riha Emîn Gulero (33) ke se ra 94 astengdar o surgunê Zîndanê Erzîncanî ame kerdene.

Embazanê ci yê zîndanî bi telefonî xebera surgunî daye keyeyê Gulerî. Guler 2016 de 'endamîya rêxistine' ra tepişîyabi û cezaya zîndanî ya 11 serran û 10 mengan dîyabî ci. Guler de nêweşîya hepatît-c, KOAH û vertigo est ê û felç o. 

Rixmê hende muracatanê avûkatanê ci zî tehlîyeyê Gulerî ame redkerdene.

Gulero ke nêweşîya cigêran ra nêeşkeno nefes bigêro bi ardimê embazanê xo yê tepişteyan zîndan de maneno. Guler lîsteya nêweşanê giranan a Komeleya Heqanê Merdiman (ÎHD) de cagêno.

Emîn Gulerî tewr peyên grevê vêşanîye yo ke 27ê teşrîna peyêne de zîndanan de dîyabi destpêkerdene de, koma verêne de cagirewtbi.