Yunanistan de bi wesîleya serrgêra 24ine ya Komployê Mîyanneteweyî yê vera Rayberê Şarê Kurdî Abdullah Ocalanî, Kampa Lavrioyî ra ver bi Atina rayraşîyayîşê hîrê rojan ame kerdene.

Rayraşîyayîşo ke serkeşîya Têgêrayîşê Ciwanan ê Şorişgêran (TCŞ), Merkezê Kulturê Kurdan ê Atina û Têgêrayîşê Cinîyan ê Kurdan ê Ewropa (TJK-E) de ame kerdene vizêr qedîya.

Roja peyên a rayraşîyayîşî de bi seyan kurd, yunan, enternasyonalîstê ke ameyî têhet bi sloganan ver bi Serseferîya Tirkî rayra şîyî. Tîya eşkerayîye ameye dayene, Pîya bi dewleta tirke heme hêzê komplogerî ameyî şermezarkerdene û ame vatene ke heta azadîya fîzîkîye ya Ocalanî do têkoşînê înan dewam bikero.