Yunanistan de, bi wesîleya serrgêra 24ine ya Komployê Mîyanneteweyî yê vera Rayber Apoyî, perey rayraşîyayîşo derg ê 3 rojan dest pêkerdbî. 

Kurdîstanijê Yunanîstanî seba azadîya fîzîkîye ya Rayber Apoyî 2 rojî yo ke rayra şinê. Rayraşîyayîş do 3 rojî dewam dewam bikero û ewro biqedîyo.

Rayraşîyayîş bi rayberîya Têgêrayîşê Ciwanan ê Şorişgêran, Merkezê Kulturê Kurdan ê Atina û Têgêrayîşê Cinîyan ê Kurdan ê Ewropa yeno kerdene. Çalakgerî roja diyine de derheqê komployî de vilawekî vila kerdî.

Ciwanê ke bi moral rayra şinê, seba ke bale biancê erdlerzê Kurdîstanî ser , pankartî akerdî û kurdelayê sîyayî bestî û seba hetkarîya Heyva Sor a Kurdîstanî vilawekî vila kerdî.

Hewa serdin bî zî la ciwanî bi coşêko gird rayraşîyayîşê xo dewam kerd û nêmroje de resayî Atîna.

Ciwanî ewro do verê Parlamentoyê Yunanîstanî de eşkerayîye bidê çapemenî û dim rayraşîyayîş ver bi  Sersefîrîya Tirkîya bêro kerdene û polîtîkayê tecrîdî û îzalasyonî bêrê protestokerdene.