Yunanistan de, seba serrgêra 24ine ya Komployê Mîyanneteweyî yê vera Rayber Apoyî, vizêr rayraşîyayîşo derg ê 3 rojan dest pêkerd. Rayraşîyayîş bi rayberîya Têgêrayîşê Ciwanan ê Şorişgêran, Merkezê Kulturê Kurdan ê Atina û Têgêrayîşê Cinîyanê Kurdan ê Ewropa dîya destpêkerdene.

Destpêkerdişê rayraşîyayîşê dergî yê seba azadîya fîzîkîye ya Rayber Apoyî, emser 13 sibate saete verê nêmroje 10.00î de kampa Lavrîo, Paytext Atîna de dest pêkerd.

Rayraşîyayîş bi şîarê ‘‘Rayber Ocalanî rê azadîye, Kurdîstanî rê statu’’ ame viraştene. 50 ciwanê çar parçeyê Kurdîstanî beşdar bîyî.

Rayraşîyayîşî de posterê Abdullah Ocalanî û beyraqê PKKyî ameye kiriştene. Ciwanan xeylî rey sloganê kurdkî, yunankî û tirkîyî vatî. Kurdê Lavrîo û şarê ci zî heta teberê bajarî paştî da çalakîye.

Rayraşîyayoxî do 15ê sibate de merkezê bajarê Atna de kom bibê û saete dimayê nêmroje 17.00 de ver bi sefîrxaneyê tirkan rayraşîyayîşo gird bivirazê.