Erdlerzî ra hende rojî vîyartî la vejîya meydan ke hema zî xeylê însanan rê çadir nêresaya. Sebebê ney ra yew îlankerdişê Halê Îstîsnayî yo. Xeylê hetkarîyî rîyê Halê Îstîsnayî ra yenê astengkerdene. Avûkatê OHDyî Erhan Çîftçîlerî ANFyî rê qisey kerd.

Afad, Wezaretê Derûverî û Bajarawanî û Şaredarî berpirsyar ê

Çîtfçîler ard vîrardene ke Afad, Wezaretê Derûver û Bajarawanî û Şaredarî zî berpirsîyarê nê rijyayîşan ê û wina dewam kerd, ‘‘AFAD o çî nîyo ke, her cayê Tirkîya ra tatbîkat bikero. Mesela, vajîyeno ke, do Çewlik de erdlerz virazîyo. Gere AFAD şarê bajaranê ke xeta fayî bin ra vîyarena, înan îqaz bikero. Gere Wezaretê Derûver û Bajarawanî heme awanîyan kontrol bikero. Berpirsîyarê şaredarîyan zî o yo ke, her cayî îmarê rê akerdî.

Gere îfade bêro girewtene

‘‘Tena mutahîtî nîyî ke no sûc kerdo. Înanê ke no sûç kerdo, personel û şîrketê kontrolkerdişî yê. Berpisyarîya hemînan est a. Gere îfadeyê înan bêro girewtene’’

Probelemê hîjyenî est o

Çîftçîlerî behsê karanê hetkarîyan kerdî ke, o z bi xo Meletî de bîyo û wina vat, ‘‘Zafîya rijyayîşê Meletî, erdlerzê dîyinî de virazîyayî. Însanan bi hewayêk probemê cil û belgî çareser kerdî la problemêko cîdî yê hîjyenî est ê. Qet bimantiq nîyo ke heme hetkarîyî bi nameyê AFADî bêrê kerdene. AFAD qîm nêkeno û hetkarîyan rê beno asteng.’’