Avûkat û Endamê Koordînasyonê Weçînayîşî yê Amedî yê Partîya Çep a Keske Bawer Mizrakî derheqê asayîşê sindoqan û rayan de ANFyî rê qisey kerd.

Mizrakî da zanayene ke AKP seba ke ser bikewo peyê dek û dolaban de yo. Mizrakî pare kerd ke amadekarîya koordînasyonê înan temam a û vat: ''Partîya Çep a Keske seba ke reya verêne kewena weçînayîşan eşkena ancax çimdaran sindoqan de wezîfedar bikera. La ma bi hezaran muşahîdî (çimdarî) wezîfedar kerdî. Çarçewa ney de ma do seba her dibistanêke tewr tay avûkatêk/e û bi bi desan muşahîdî erkdar kerdî. Seba asayîşê sindoqan ma rêxistinanê komelê sivîlî reyde xebitîyenê. Teyna Amed de zî nê, ma xîret kenê ke Xarpêt, Dîlok, Mûş û şaristananê bînan ê cîranan rê zî warê huqûqî de paştî bidê.''

Mizrakî da zanayene ke dibistanan de wextê hûmaritişê rayan de weçînitoxî eşkenê uca de bimanê, eşkenê verê Heyetanê Weçînayîşî yê Berzan de vinderê. Ma venga şarê xo danê ke muracatê bînayanê qeza û şaristanan ê Partîya Çep a Keske bikero, bibo muşahîd û sindoqan bipawo. Eke ma xo hol rêxistin bikerê eşkenê faşîzmî bin bivisnê.''