Avûkatanê Rayberê Şarê Kurdî Abdullah Ocalanî erdleerzê Gemlîkî ra dima semedê pêvînayîşî muracatê Serdozgerîya Komare ya Bursa û Mudirîya Zîndanê Îmraliyî kerd û waşt ke cade destûr bêro dayene pêvînayîşî.
Avûkatanê Buroyê Huqûqî ê Asrinî ra Mazlûm Dînç, Raziye Ozturk, Rêzan Sarica û Faîk Ozgur Erolî semedê pêvînayîşê muwekîlanê xo Rayberê Şarê Kurdî Abdullah Ocalan û Omer Hayrî Konar, Hamîlî Yildirim û Veysî Aktaşî muracatê Serdozgerîya Komare ya Bursa û Mudirîya Zîndanê Îmraliyî kerd.
Avûkatan muracat de bale ante erdlerzê Gemlîkî yê vizêrînî ser û ard ziwan ke derheqê weşîya Ocalanî ser o qesawetî est ê.
Buroyê Huqûqî yê Asrinî û keyeyî 25ê adara 2021î ra nata Rayberê Şarê Kurdî Abdullah Ocalanî ra qet xeberêke nêgenê. Avûkatî hewte di rey semedê pêvînayîşê Îmraliyî muracat kenê la muracatê înan nînê cewabkerdene.
