16 rojnamegerê ke 16ê hezîrane de ameybî tepiştene, avûkatanê înan seba betalkerdişê bira tepiştişî muracatê mehkeme kerd û bire rê îtîraz kerd.

Avûkatan muracatê Mehkemeya Ceza ya Sulhe kerd. Avûkatan waştişnameyê îtîrazî de waşto ke muwekîlê înan bi hawayêkê edîlî wa bêrê muhakemekerdene.

Waştişname de dîya zanayene ke dozgerîye û dadgerîye derheqê rojnamegerîye de rojnamegeran ra tay persan persayî la bê delîl bi 'endamîya rêxistine' rojnamegerî tepiştî. Waştişname de ame vatene ke ganî bira tepiştişî bêra betalkerdene û rojnamegerî bêrê veradayene.

Muracat de ame îfadekerdene ke bira tepiştişî ganî newe ra bêra ercnayene.