Avûkatanê Buroyê Huqûqî ê Asrinî ra Îbrahîm Bîlmez, Raziye Ozturk, Emran Emekçî û Cengîz Yureklîyî semedê pêvînayîşê muwekîlanê xo  Rayberê Şarê Kurdî Abdullah Ocalan û Omer Hayrî Konar, Hamîlî Yildirim û Veysî Aktaşî yê ke binê tecrîdê giranî de yê, muracatê Serdozgerîya Komare ya Bursa û Mudirîya Zîndanê Îmraliyî kerd.

25ê adara 2021î ra nata Rayberê Şarê Kurdî Abdullah Ocalanî ra qet xeberêke nîna girewtene. Avûkatî hewte di rey semedê pêvînayîşê Îmraliyî muracat kenê la muracatê înan nînê cewabkerdene.

Buroyê Huqûqî yê Asrinî 7ê tebaxe de bi eşkerayîyêke da zanayene ke reya pancine û peyêne 7ê tebaxa 2019î de avûkatî şîbî pêvînayîşê bi Rayberê Şarê Kurdî.