Birayê Rayberê Şarê Kurdî Abdullah Ocalanî, Mehmet Ocalan, vasîyê ci Mazlûm Dînçî semedê pêvînayîşê Îmraliyî muracatê Serdozgerîya Komare ya Bursa û Mudirîya Zîndanî ya Îmraliyî kerd.

Reyna birayê Omer Hayri Konar, Alî Konar, birayê Hamili Yildirimî, Polat Yildirim û waya Veysi Aktaşî, Melîhe Çetîn zî semedê zîyaretê Îmraliyî muracatê wird dezgehanê eleqedaran kerd.

Avûkatanê Buroyê Huqûqî ê Asrinî ra Raziye Ozturk, Rêzan Sarica û Faîk Ozgur Erolî semedê pêvînayîşê muwekîlanê xo Rayberê Şarê Kurdî Abdullah Ocalan û Omer Hayrî Konar, Hamîlî Yildirim û Veysî Aktaşî muracatê Serdozgerîya Komare ya Bursa û Mudirîya Zîndanê Îmraliyî kerd.

Buroyê Huqûqî yê Asrinî û keyeyî 25ê adara 2021î ra nata Rayberê Şarê Kurdî Abdullah Ocalanî ra qet xeberêke nêgenê. Avûkatî hewte di rey semedê pêvînayîşê Îmraliyî muracat kenê la muracatê înan nînê cewabkerdene.