Rayberê Şarê Kurdî Abdullah Ocalano ke Îmrali de binê tecrîdê giranî de yeno tepiştene, 43 mengî yo ke xebere nîna girewtene. Avûkatanê Buroyê Huqûqî yê Asrinî Komîteya Vergirewtişê Îşkenceyî (CPT) û Meclîsê Parlamenteran ê Konseya Ewropa reyde pêvînayîş kerd.

Avûkatanê Buroyê Huqûqî yê Asrinî ra Îbrahîm Bîlmezî derheqê pêvînayîşî de Ajansê Xeberan ê Mezopotamya (MA) rê qisey kerd.

Îbrahîmî Bîlmezî ard ziwan ke înan pêvînayîş de bale ante tecrîdê giranî yê Îmralîyî ser û vat: Ma înan rê vat sîstemo sey Îmraliyî hema dinya de nêameyo vînayene.

Avûkat Bîlmezî vat înan CPTyî ra waşt ke wa raporê xo eşkera bikero la seba raporê di serran cuwaverî yo înan waşt wa CPT newera Îmraliyî zîyaret bikero.

Bîlmezî wina vat, ''Heyetê CPTyî vat ê 1999î ra nata nêzdîra bi Îmraliyî eleqedar benê. Seba ke tecrîd bêro şiktine hukmatê Tirkîya reyde pêvînayîş kenê. Heta ke Tirkîya destûr nêdo nêeşkenê raporê xo eşkera bikerî la semedê eşkerakerdişê raporî xîret kenê.''

Avûkat Îbrahîm Bîlmezî da zanayene ke înan Meclîsê Paramenteran ê Konseya Ewropa reyde zî tay pêvînayîşî kerdî û derheqê tecrîd ceyaza muebetî de zanayîş da.