Avûkatanê Rayberê Şarê Kurdî Abdullah Ocalanî seba ke tecrîdê serê muwekîlê înan  bêro wedaritene û heqê ci yê esasî bêrê şuxulnayene muracatê Dadgerîya Înfazî ya Bursa kerd.

Avûkatan muracatê xo de waşt wa heqê esasî yê muwekîlê înan bêrê caardene û vat: Rîyê şertanê ke muwekîlê ma tede yo ma qisawet kenê. Ganî cade caardişê ke qedexeyê îşkenceyî binpay kenê berê wedaritene. Ganî cade waştişê ma yê huqûqî berê caardene. Wa tecrîd bêro wedaritene û muwekîlê heqanê xo yê esîyan bişuxulno.''

Waştişê avûkatan wina yê:

“* Avûkatî û  keye wa pêvînayîş bikerê,

* Astenkerdişê ke verê avûkatan wa bêrê wedaritene ke avûkatî biresê dosyayan,

*  Goreyê pênasê fermî wa heqê telefonî yo sey rutîn bêro kerdene,

* Şertê mektub girewtiş û şawitişî wa bêrê caardene.‘‘