Buroyê Huqûqî yê Asrinî derheqê rewşa Rayberê Şarê Kurdî Abdullah Ocalanî de, yo ke 24 serrî yo Îmrali de binê tecrîdê giranî de yo û 25 aşmî yo tira qet xeberêke nînan girewtene, eşkerayîye daye.

Eşkerayîye de ame vîrvistene ke çend weçînitiş nêzî beno hende manîpulasyonî zedîyenê û wina ame vatene: “Birêz Ocalano ke binê tecrîdê giranî de yo, 25 aşmî yo tira xebere nîna girewtene. Ma sey avûkatanê ey mecbûr mendê ke tay xususan rayapêroyî dir pare bikerê.”

Buroyê Huqûqî yê Asrinî eşkerayîya xo de derheqê muneqeşeyanê ke yenê kerdene de, tay xususî sey madeyan rêz kerdî:

* Ma 25ê adara 2021î ra nata Abdullah Ocalan û hîrê muwekîlanê xo yê bînan ra xebere nêgenê. Nê tarîxî de  gama ke Birêz Ocalanî telefon de birayê xo dir qisey kerdêne, pêvînayîşê telefonî nîmcet birîya. Hema zî ma  sebebê nê birnayîşî nêzanê.

*Nê tarîxî ra nata muwekîlê ma yê ke Îmrali de yenê tepiştene, ma derheqê şertanê tepiştişî, muameleyo ke raştê ci yenê, rewşa weşîya înan de qet çîyêk nêzanê.

*Senî ke rayapêroyî rê yeno teqdîmkerdene cezayê dîsîplînî têna wextê weçîtinişî de nê, sey leteyêkê tecrîdî yenê caardene.  Verê 2016î  bi vatişê muxalefetê hewayî û koster xeripîyaye yo,tecrîd ameyêne rayraberdene.21ê temmuza 2016î ra heta 14ê êlula 2018î  bi sebebê OHALî û nê tarîxî ra dima ra  zî cezayê dîsîplînî kewtî dewre.

* Goreyê madeyê 66/3 yê qanûnê hûmara bi 5275î  hukumwerî eşkenê wextê nêweşîya girane, merg û afatanê xozayî de merdimanê xo telefon bikerê. Rixmê nê Abdullah Ocalan û muwekîlê ma caverdê nêweşîye wextê wefatê merdimanê xo de zî no heqê xo nêeşkayî bişuxulnê. Wextê erdlerzê 6ê sibate de zî ê heqê xo yê telefonî nêeşkayî bişuxulnê.

Eşkerayîye de  wina ame vatene: “Zîndanê Îmraliyî roja ronayîşê xo ra hem hetê ruhî ra hem hetê bedenî sey cayê helisnayîşî yeno xululnayene. Tepişteyî tîya şertanê îşkenceyî de yenê tepiştene. Xora qeraranê Mehkemeya Heqanê Merdiman ê Ewropa û raporanê CPTyî de zî no yeno teyîtkerdene. Nîno qebulkerdene ke sîstemê tecîrî yê Îmraliyî wina sey çîyê magazînî bêro destgirewtene.

Ma reyna vanê,  ma 25ê adara 2021î ra nata Abdullah Ocalanî ra xebere nêgenê. Rixmê heme muracatanê avûkatan û merdimanê înan ma rewşa weşîye  û şertanê cuyeya  Abdullah Ocalan û hîrê muwekîlanê xo yê bînan ra xeberdar nîyê. Semedê na rewşe ma û heme komel qesawet keno.

Nê prosesê weçînitişî de merkezê sîyasîyî serê Abdullah Ocalanî ra propaganda kenê.  Wa her kes bizano ke nê muneqeşeyê ke yenê kerdene, Abdullah Ocalan înan ra hayîdar nîyo. Çîyo raşt oyo ke Abdullah Ocalan cade avûkatanê xo  dir pêvînayîş bikero.  Şertê Ocalanî çînê ke xo îfade bikero. Binê tecrîdê giranî de yo û nêeşkeno xeberan bigêro. Coka muneqeşeyê spekulatîfî raşt nîyê.  Ma pê bawer ê ke herkes na babete hîsgêr têbigêro.”