Avûkate Tîmtîka ke rojeyê mergî de ya, bîye 46 kîlo

Avûkatê Ebru Tîmtîk Guçlu Sevîmlîyî pare kerd ke Tîmtîka ke 141 rojan ra nata rojeyê mergî de ya, bîye 46 kîlo, destê aye mor bîyî û mîyanê fekê ci de birînî virazîyayî ke pê zorî qisey kena.

Avûkatê Buroyê Huqûqî yê Şarî (HHB) û Komeleya Huqûqnasan ê Hemçaxan (ÇHD) Ebru Tîmtîk û Aytaç Unsal pê waştişê edaletî rojeyê mergî de yê. Ebrî Tîmtîk 141 û Aytaç Uysal zî 110 rojan ra nata rojeyê mergî de yê.

Avûkatê Tîmtîke Guçlu Sevîmlîyî vat Tîmtîke bîye 46 kîlo, pê zorî qisey kena, destê ci mor bîyî û halî ra kewte. Sevîmlîyî vat: ''Destê ci mor û sîya bîyî, mîyanê fekê ci de zî birînî virazîyayî. Ebru îfade kerd ke waştişê înan meşrû yê, ê qerardar ê ke xoverdayîşê xo pê qerardarî dewam bikerê.''

Sevîmlîyî vat waştişê meslektaşê înan Tîmtîke û Unsalî meşrû yê, verî ke erey nêbo ganî ê bêrê veradayene û vat: ''Waştişê înan zelal û meşrû yê. Hukmkerdişêkê edîlî wazenê, edalet wazenê. No waştiş têna seba huqûqê hukmî nê, seba huqûqê mîyanneteweyî zî bêro caardene''