Îdîayê medyaya şerê taybetî ya dewleta tirke ya îşxalkere û çeteyanê SMOyî reyna bi dîmenan zûre vejîyayî. Dîmenê ke Awbendê Tişrînî ra ameyî mojnenê ra ke awbend hema binê kontrolê şervananê Meclîsê Leşkerî yê Minbicî û QSD, YPG û YPJyî de yo.

Ewro (26ê kanûne) bi saetanê herême saete 13:00 de Rojnamegere Dîlovane Asmîna ke şîye Awbedê Tişrînî vat awbend binê kontrolê şervana de yo û seba ke çeteyê dewleta tirke bin kewtî bi nê propagandayanê şerê taybetî kenê ke xo serkewte ramojnê.

Dîlavane Asmîn dîmenî girewtî û vat: ''Seke şima vînenî awbend bi temamî binê kontrolê şervanan de yo. Coka wa qet çew goş medo propagandaya şerê taybetî.''

Merkezê Çapemenîya Meclîsê Leşkerî yê Minbicî dîmenê wextê pirodayîşê îşxalkeran pare kerdî.

Hetê bînî ra dîya zanayene ke çeteyanê Artêşa Mîlî ya Sûrîye (SMO) hêrişê herêma Tişrînî kerd. Şervananê Meclîsê Leşkerî yê Minbicî cade cewab da. Herême de pêkewtişê giranî qewimîyenê.