Yewîyanê Pawitişî yê Cinîyan (YPJ) eşkera kerd ke fermadaranê înan ra Ronahî Yekta Awbendê Tişrînî de xoverdayîşê tarîxî yê vera dewleta tirke ya îşxalkere û çeteyanê SMOyî de tewrê kerwanê şehîdan bîye û nê vatî:

''Fermadaranê YPJyî ra Arşîne Hisên (Ronahî Yekta) xoverdayîşê bêhempayî yê cepheyê Awbendê Tişrînî û Pirdê Qereqozaxî de fermandaranê qehremanan ra yewe bî. Çeteyê dewleta tirke ya îşxalkere wazenê ke şaranê Rojawanî teslîm bigîrê û eynî wextî de heme erjanê şaran ke bi bedelanê girdan ameyî destfînayene werte wedarê. Vera nê hêrişan domanê qehreman û fedayîyî yê Rojawanî cephaneyanê xoverdayîşî de destanan nusenê. Ê têna mîmarê raştîye nîyê, eynî wextî de ganê xo yê bimbarekî feda kenê ke erd û şarê xo bipawê. Şervanê ke vera çeteyanê dewleta tirke şer kenê bêters  şinê îşxalkeran  ser û ganê xo feda kenê ke ameyoxî roşn bikerê.

Embaza ma û fermandara ma Ronahî Yekta wayîrê ruhêkê girdî, kesayeta şorişgêre û zerrîyêka girde bî. Çirey nêverda zerrîya ci de leyminîya dewrî bibo û qebul nêkerd ke xirabîye komelî rê bibo hekîm.

A bajarê anorî û xoverdayîşî Efrîn de ameye dinya.Domanîya xo de mîyanê xebatanê kultur û hunerî de ca girewt. Cuyeya xo hem bi zerafatê hunermendan, hem zî bi îlkeyanê cinîyêka şorişgêre ciwîyaye. Coka mîyanê şorişê azadîye yê Rojawanî de ca girewt. Gama ke çeteyanê El Nusra 2012 de Heleb de hêriş kerd, Ronahî vera nê rayîrê têkoşînî xoverdayîşî vîjna û tewrê xebatanê şorişî bîyî.

Ronahî Yekta xebatanê Ciwananê Şorişgêran de ca girewt. Bîye dost û hemraya cinîyan û ciwanan. Bi eşqê şorişî ciwanî perwerde kerdî. Heme herêmanê Rojawanî de xebatê rêxistinkerdişî rayra berdî. Bedê hêrişê dewleta tirke yê vera Efrînî hemra Ronahî sondê qesasî wend û tewrê refanê YPJyî bîye. Badê perwerdeyê leşkerî û îdeolojîkî bîye fermandaranê ciwanan ê YPJyî ra yew û xebatê bêhempayî kerdî.

Hemraya ma Ronahî Yekta 25ê kanûne de gama ke pîya bi emzanê xo vera dewleta tirke  û çeteyanê ci têkoşîn kerdêne netîceya hêrişê dewleta tirke de şehîde bîye.

Ma hemraya xo Ronahî Yekta bi hurmet yad kenê û keyeyê ci yê welatperwerî, şaranê Rojawanî û heme embazanê ci rê serweşîye wazenê. Ma do têkoşînê xo yê bianor û heqdarî de tim aye bide ciwîyayene. Ma soz danê ke ma do qesasê şehîdanê xo bigîrê û waştişê înan bîyarê ca. Têkoşînê şehîdan her wextî ra zafêr rayîrê ma, dewaya ma û hedefê ma yê serkewtişî roşn keno.''