27ê nîsane de teberê welatî de seba weçînayîşanê Tirkîya raydayîş dest pêkerd. Endamê Heyetê Rayberdişî yê KNKyî Zubeyîr Aydarî bi rayîrê ajansê ma venga hemwelatîyanê teberê welatî da ke wa raya xo bidê Partîya Çep a Keske.

Aydarî vist vîrî ke weçînayîşê Tirkîya yê 14ê gulane zaf krîtîk ê û vat: ''Şarê ma yo ke Ewropa de ciwîyeno wa mevajo ke 'yew eleqeyê ma bi nê weçînayîşî çin o, ma tîya de ciwîyenê.' Dîktatorîya Erdoganî 2015î ra nata Rojawan, Başûr û Vakurê Kurdîstanî kerdê golê gonîye. Roja weçînayîşan roja qesasî ya, ma bi raya xo û îradeyê xo nê îqtîdarî ra qesas bigêrê.

Ma tewr verên armanc kenê ke nê îqtîdarî ra hesab bipersê û qesasê xo bigêrê. Dima ma armanc kenê ke destek bidê Îtîfaqê Kede û Azadîye û nînan bi xurtî bişawê Meclîsî. Ma weçînayîşanê verênan de dî ke kamca de ma şîyê sindoqan ser bîyê partîya verêne la kamca de ma nêşîyê zî raya taye girewte. Şarê ma yê Ewropa sey Kocaelî tay şaristanan de bi raya xo wekîlî vetî.

Ma venga pêro embazan, dostan û şarê ma danê ke seba ke faşîzmê AKP-MHPyî ra hesab bipersê şorê sindoqan ser û raya xo bidê Partîya Çep a Keske.''