Endamê Yewîya Avûkatan a Minbicî Omer Barkalî ANFyî rê tecrîdê vera Rayberê Şarê Kurdî Abdullah Ocalanî ercna.

Omer Barkalî da zanayene ke felsefeya Abdullah Ocalanî seba çareserîye û haştîye alternatîfêk o û vat: ''Coka ganî ma azadîya Abdullah Ocalanî ser de israr bikerê. Meseleyî bi taybetî meseleya kurdan û Filîstînî Rojhelatê Mîyanênî de benê sebebê krîzan. 2013 de bi felsefe û fikranê Abdullah Ocalanî Rojawan de Îdareyo Xoser ronîya. Bi nê şiklê îdareyî û felsefeya Rayber Apoyî herêmê Rojawanî destê bêedaletî û îdareyanê keyfîyan ra ameyî xelisnayene. şarê ke têkoşînê azadîye yê rêxistinkerdeyî kenê moral û motîvasyonê xo fikr û felsefeya Rayber Apoyî ra gênê.''

Avûkat Omer Barkalî îfade kerd ke Rayberê Şarê Kurdî hetê dewleta tirke ra binê tecrîdêkê giranî de tepişîyeno û vat: ''Dewleta tirke seba ke fikrê Rayberîye vila nêbê tecrîdî ana ca. Şarê Rojawanî xêrê fikranê Rayber Apoyî ra destê zulmî ra xelisîyayî. Ewro bi çalakî û aktîvîteyan yeno kerdene ke azadîya Rayber Apoyî bêra destvistene. Heta ke Rayber Apo azad bibo nê çalakî û xebatî do dewam bikerê. Sere de şarê Rojawanî ganî pêro şarê dinya seba azadîya Rayber Apoyî wurzê payan ser.''