Serrgêra 12ine ya Şorişê Rojawanî şaristananê Bonn û Dresdenî yê Almanya de bi beşdarîya xeylêk kurdîstanijan ameye fîrazkerdene.

Bonn de şayîye bi deqayêkê rêzgirewtişî dest pêkerd. Hemsereka KON-MEDî Rûkene Akça û Temsîlkarê PYDyî Bavê Hakî tîya de qisey kerd. Şayîye de venga pêro kesan dîya ke vera  hêrişanê dewleta tirke ya îşxalkere wayîrê Şorişê Rojawanî vejîyê. Şayîye bi deyîranê hunermendanê kurdan qedîyaye.

Dresden de Merkezê Komelê Demokratîkî yê Kurdan de şayîye ameye viraştene. Şayîye de xoverdayîşê cinîyan ê Rojawanî zî ame selamkerdene. Endamê Komîsyonê Kulturî Mehmet Rênasî şayîye de deyîrî vatî.