Hemserekê Pêroyî yê DEM Partî Tuncer Bakirhanî Îzmîr de çarçewa Kampanyaya 'Nan û Edaletî' de teqawutbîyayeyan de ronişt. 

Cayê kombîyayîşî de pankarta 'Ma têkoşînê nan û edaletî de yenê têhet' daliqîyaye. Wekîlê DEM Partî Kamuran Tanhan, Îbrahîm Akin û Burcugule Çubuk, Endama Heyetê Rayberdişî yê DEM Partî Sevtape Akdag û endamê Meclîsê Partîye û temsîlkarê sendîkayan zî beşdarê pêvînayîşî bîyî.

Dima ke temsîlkaranê sendîlayan meseleyê xo û waştişê xo ardî ziwan Hemserek Bakirhanî qisey kerd.

Bakirhanî ard ziwan ke sîstem qîmet nêdano teqawutbîyayeyan û xora teqawutbîyayeyan weçînayîşanê 31ê adare de dersêke daya îqtîdarî. Bakirhanî îfade kerd ke ganî rêxistinbîyayîş û yewîya sindoqan rojanê verênan de seba erşawitişê îqtîdarî bişuxilîyê. Bakirhanî da zanayene ke tewr zaf teqawutbîyayeyî binê tesîrê krîzî de manenê ke û vat ke eke teqawutbîyayeyî biwazê eşkenê îqtîdarî zî bivurnê. Bakirhanî pare kerd ke ganî ê têkoşînê hemparî bikerê û vat: ''Derdê ma yew o. Nê sîstemê bêanorî ra hesabpersayîş deynê milê ma yo.''