Baroyê Amedî seba Rayberê Şarê Kurdî Abdullah Ocalanî û tepişteyanê bînan ê Zîndanê Îmraliyî Omer Hayrî Konar, Hamîlî Yildirim û Veysî Aktaş muracatê Wezîrîya Edaletî ya Tirkîya kerd.

Avûkatanê Buroyê Huqûqî yê Asrinî 24ê teşrîna peyêne de seba ke muwekîlanê xo bivînê muracatê Baroyê Amedî kerd. Avûkatan baroyî ra waştbi ke seba ke avûkat û keyeyî bieşkê muwekîlanê xo bivînê wa xîret bikerê.

Baroyê Amedî seba ke şoro Zîndanê Îmraliyî muracatê Wezîrîya Edaletî kerd.

Baroyî vat: ''Seba ke cayê ci de tesbîtê şertanê cuye yê tepişteyanê Îmraliyî bêro kerdene, pê armancê çimdarîye û ercnayîşê îdîayanê serê binpaykerdişê heqanê sereke û azadîyan hewce bîyo ke Wezîrîya Edaletî destûr bida ke zîndan de cigêrayîş bêro kerdene.''