Serekê Komeleya Medyaya Dîjîtale ya Anadoluyî Bekîr Tîryakîyî fotografê cenazayanê qurbananê Qirkerdişê Roboskî bi nuşteyê ''Ha şima rê qorîdor'' pare kerdbî û Akademîsyena Zanîngehê Îbrahîm Çeçenî yê Agirî Dç. Dr. Tuba Işik zî binê fotografî de bi nuşteyê ''No dîmen zaf rind o, wa tim wina bo'' nîjadperestîye kerdbî.

Baroyê Riha gerreyê Dç. Dr. Tuba Işika ke qurbananê Roboskî ser o parekerdişê nîjadperestî kerdê û waşt ke wa Işike bêra cezakerdene.

Baroyê Riha gerreyê Dç. Dr. Tuba Işik Serdozgerîya Komare ya Riha rê kerd û waşt ke wa Işike bêra cezakerdene.

Buroyê Riha waştişnameyê gerreyî de bale ante ser ke Roboskî de 19ê ci domanî 34 kesî bi bombayan ameybî qetilkerdene û no qirkerdiş hema zî sey roja verêne şarî dejneno. 

Baroyî waşt ke Tuba Işik seba ke goreyê qanûnan vîrameyîşê merdiman rê heqaret kerdo û dişmenîya komelî teşwîq kerda wa bêra cezakerdene.