Paytextê Almanya, Berlin de seba yadkerdişê qurbananê Terteleyê Dêrsimî ‘Peykerê Terteleyî’ ame akerdene. Şaredarê Friedrichshain-Kreuzberg Clara Herrmann, Wezîrê Zîretî yê Almanya Cem Ozdemîr, hunermend Ezgî Kilinçaslan, tarîxnas, komelnas, hunermend û temsîlkarê dezgehan tewrê akerdişî bîyî.

Merasîmê akerdişî bi wendişê gulbangan dest pêkerd.

Serekê Federasyonê Komeleyanê Dêrsimî yê Ewropa Kemal Karabulutî bale ante prosesê viraştişê peykerî ser. Şaredarê Friedrichshain-Kreuzberg Clara Herrmann zî qurbanê Terteleyê Dêrsimî yad kerdî. 

Wezîrê Zîretî yê Almanya Cem Ozdemîr û Hunermend Ezgî Kiliçaslan zî qiseykerdişê xo de bale ante terteleyî ser.

Wekîlanê Die Linke Pascal Meiserî, Gokay Akbulutî û Ferhat Koçakî îfade kerd ke dejê Terteleyê Dêrsimî dewam kenê. 

Merasîm de Rençber, Punara Ma û Îmam Ozgulî deyîrî vatî.