Ciwano kurd Yaser Ornek (27) seba ke Tirkîya de raştê zextanê sîyasîyan yeno 4 serrî verî Swîsre de îltîca kerd. Ornek 2ê temmuze de semedê zîyaretê yew roje şibi bajarê Munîhî yê Almanya û herêma Bernau de amebi tepiştene. Dewleta tirke îadeyê Ornekî wazena.

Yew grûba kurd û enternasyonalîstan bajarê Bernî yê Swîsre de verê konsolosxaneyê Almanya de ameyî têhet û tepiştişê ciwanê kurdî Yaser Ornekî protesto kerd. Çalakwanan tîya eşkerayîye daye û bale ante ser ke sere de Almanya xeylêk welatê Ewropa  polîtîkaya faşîste ya dewleta tirke ane ca. Çalakîye de veng dîya hukmatê Almanya ke wa na xeletî ra helêke cuwa ver agêro û ciwanê kurdî serbest verado.