Beşiktaşê Îstanbulî de meydano ke partîyan tede standê xo akerdî de  şar eleqeya tewr girde Partîya Çep a Keske rê mojneno.

Mutlu Ozturko ke mîyanê xebatanê Partîya Çep a Keske de ca geno  ard ziwan keşar eleqe mojneno standê înan û vat: “ Beşiktaş de her hetê Tirkîya ra şar est o. Tîya bitaybetî cinî û ciwanî Paştî danê Partîya Çep a Keske.” 

Hemserekê HDPyî yê Beşiktaşî Orhan Ozgunerî zî vat: “Beşiktaş de nizdê 200 hezar vîjnoyoxî est ê.  Ma sey partîya diyîne yê. Goreyê anketan reyê ma zêdîyayî. Hedefe ma na rey se ra 30 o. Bitaybetî ciwanî zaf eleqedar ê. Ma Beşiktaş de senî ke semedê Partîya Çep a Keske  gurîyene ma semedê Kiliçdarogluyî zî wina reye wazenê.”