Paketê hukmî yê 3ine yo ke semedê warardişê înfazê tepişteyan ame amadekerdene û yeno pawetene ke hewteyê verê ma de meclîs de bêro tesdîqkerdene de ca nêdîyeno tepişteyanê sîyasîyan. Vera naye nêrazîbîyayîşî zêdîyenê.

Endamê Heyetê Îdareyî yê Waqfê Heqê Merdiman ê Tirkîya (TIHV) Pro. Dr. Umit Biçero ke babetê ANFyî rê ercna vat no goreyê huqûqî nçyo û nêno qebûlkerdene.

Biçerî ard ziwan de demo wînayên de ganî dewlete goreyê rewşa weşîye yê tepişteyan mesela bîgêre dest û heme tepişteyan se seyyewbînî vîno û goreyê naye tê bigêro. Biçerî wina dewam kerd: ''Binê nameyê 'terorî' de rîyê pawitişê azadîye îfadeyî ra roşnvîrî, wekîlî, sîyasetmedarî, nuştoxî, rojnamegerî û akademîsyenî eşkera bi mergî rî bi rî yenê verdayene. Eleqeya naye bi heqe merdiman û huqûqî çîn a.  Tepişteyê sîyasîyî teberê paketî de yênê verdayene. No tewirêko goreyê merdimîye nêyo. No tewir ramojneno ke dewlete hema zî huqûqê dişmenîye ca nêverdayo. Heqê dewlete çîno ke weşîya tay tepişteyan bipawo û tayînan zî mergî rê caverdo. Dewlete semedê heme tepişteyan berpirsîyar a û ganî semedê pawitişê înan tê bigêro.

Semedê zîndanan tehlukeyo gird esto û îqtîdar rixmê nêyî goreyê na raştîye nizdê mesele nêbeno. Bitaybetî zî tepişteyê nêweş, ewxtîyar, astengkar, diganî û wayîrê domanan  ganî cade bêrê verdayene. Xora yeno zanayene ke Korona tewr zaf cayanê sixletîyan de vila bena. Coka ganî cayê sixletî bêrê vengkerdene. Hetê bînî ra zîndanan de problemê pakîye û werdî tim estî.  Reyna zîndanan de grevê vêşanîye zî dewam kenê coka tehluke hîna girdo. Ganî Wezîrîya Weşîye derheqê zîdanan de zanayîşo zelal bido û heyetê xoserî prosesê zanayîş û ecnayîşî de ca bîgêrê. Nê deme de gama tewr girîn aya ke efû pêroyî bêro vetene û cade bêro caardene.''