Namzeta Wekîlîye ya Mûşî ya Partîya Çep a Keske Sumeyye Boz bale ante girîngîya Îtîfaqê Azadîye û Demokratî yê Kurdan ser û vat: ''Ma do xebatanê sey perwerdeyê bi ziwanê dayîke û statuyê kurdan xo rê bikerê esas.''
Namzeta Wekîlîye ya Mûşî ya Partîya Çep a Keske Sumeyye Boz derheqê weçînayîşan de ANFyî rê qisey kerd.
Boze îfade kerd ke ê armanc kenê ke peynîya rejîmê tekperestî bîyarê, seba bindestan demokrasî bîyarê ca, îqtîdarî ra destkewteyanê cinîyan apey bigêrê û bibê unsurê esasî yê sîyasetî. Boze vat: ''Seba caardişê qanûnê 6284î û Peymana Îstanbulî ma hê şinê Meclîsî. Seba ke nasnameyê kurdan Qanûnê Bingeyî de cabigêro, verê perwerdeyê bi ziwanê dayîke abibo, kurdî bibê wayîrê statuyêkî û Qanûno Bingeyî yo demokrat bêro viraştene, ma Îtîfaqê Azadîye û Demokrasî reyde hê şinê Meclîsî.''
Boze bale ante ser ke pê şawitişê nê îqtîdarî krîzo ekonomîk do çareser bibo û vat: ''Ganî ma biresê standartanê cuyêka normale. Nînan reyde muhîm o ke demokrasîya herêmîye zî bêra caardene. Heta ke demokrasîya herêmîye bihêz nêba, demokrasîya raştikêne zî bihêz nêbena. Ma bi şîyayîşê sindoqan gama demokratîke ya verêne bierzê.''
