Hemsereka Pêroyî  ya HDPyî Pervîne Buldan Riha û Dîlok de tewrê xebatanê weçînitişî bena. Bulande qezaya Sêweregî yê Riha de tewrê akerdişê buroyê weçînitişî bîye.

Buldana ke akerdişê buroyî de qisey kerd, vera îqtîdarê AKP-MHPyî hêrsê xo ard ziwan û vat: "Weçînitişê 14ê gulane do qederê welatî bibedilno. No weçînitiş semedê bedilnayîşî do bibo destpêkerdişêk. Şar do mabênê demokrasi û faşîzmî, şer û haştîye û neheqîye û edaletî de qerarê xo bido. 21 serrî yo nê welatî îdare kenê, her qeyde neheqîye kenê. Ewro zîndanî pê sîyasetmedaran û akedemîsyenan dekerde yê. Hemşaredarê ke herinda înan de qeyûm ame cakerdene, zîndanan de yê. Ma hesabê înan do 14ê gulane de bipersê. Nê welatî de têkoşînê edalet, azadîye û demokrasîyî est o. Riha de têkoşînê edaletî yê tarîxî rê şahîdîye kerde.  Qîrayîşê edaletî yê dayîka ma Emîne Şenyaşar heme dinya rê dîya eşnawitene. Şarê ma yê Riha  do andiq de wayîrê têkoşînê edaletî yê dayîke Şenyaşar bivejîyo.

Xora ma zanê nê dişmenê edalet, huqûq û kurdan ê. Ma zanê nê dişmenê haştîye û demokrasîyî yê. Kurdan înkar kenê û ziwanê înan qedexe kenê. 21 serrî yo bi eynî zîhnîyetî welatî îdarê kenê. Erdogan reyna mîtîngan de vera kurdan û ziwan û tarîxê înan dişmenîye keno.  Ma tîya ra reyna vanê; ma pê kurdîya xo sereberz ê. Ma bi kirdasan û kirdan  kurd ê.  Her cayê dinya de ma kurd ê û bi nasnameyê xo sereberz ê. Kurdî do sandiq de vînîkerdişî bimojnê şima. Ma do 14ê gulane de bimojnê şima. AKPyî semedê qefilnayîşê HDPyî çîyo ke deste ci ra ame kerd. Ma do 14ê gulane de şima  pîya bi ceza, zîhnîyet û kûmpasanê şima bin bifînê. Vera kayanê şima hemleyê ma est ê.  Aderesê ma yo newe Partîya Çep a Kesk a. Rayîrê ma rayîrê hirêyin o,  rotaya ma parlamento yo. Rayîrê ma pêrune akerde bo."