Hemsereka Pêroyî ya HDPyî û namzeda Partîya Çep a Keske ya Wan Pervîne Buldan rêxistinanê komelê sivîlî yê Wanî de kombîyayîşêk kerd. Kombîyayîş otêlêk Wanî de qewimîya. Xeylêk kesî û dezgehî tewrê kombîyayîşî bîyî. 

Buldane kombîyayîş de qisey kerd û ard ziwan ke ê nika ra wazenê meseleyan goşdarî bikerê û çareserîyanê înan zî pêşkêş bikerê. Buldane vat: ''Armancê ma yo tewr pîl şawitişê faşîzm û nê îqtîdarî yo. Naye ra dima caardişê heq, huqûq û edaletî armancê ma yo bingeyî yo. Ma do pêro îmkananê xo seferber bikerê û nê îqtîdarî bişawê.

14ê gulane seba her kesî firsendêko tarîxî yo. Hukmatê AKPyî qetî hende nêzdîyê binkewtişî nêbi. Ma do mesuldarîya xo bîyarê ca. Ma narey eşkenê Wan de 8 wekîlan vejê. Eke ma bi hawayêkê xurtî bikewê Meclîsî ma do bibê hêzêko dîyarker.''