Partîya Çep a Keske Kocaelî de mîtîngê xo kerd. Hemsereka HDPyî Pervîne Buldan, Hemvervatoxê HDKyî û Namzedê Îstanbulî Cengîz Çîçek, Serekê EMEPî û namzedê wekîlîye zî tewrê mîtîngî bîyî.

Girseyî bi sloganê ''Kartol, pîyaz, oxir bo Erdogan'' kewtî mîtîngî.

Hêverî namzed Omer Faruk Gergerlîoglu qisey kerd û vat: ''14ê gulane de ma do cewab bidê Wezîrê Karanê Sûcî. Ê tersenê la xelasa înan hînî çin a.''

Cengîz Çîçekî vat: ''Îqtîdarê AKP-MHPyî keno ke mudaxeleyê weçînayîşan bikero. Camîyan de propagandaya xo kenê. Bi operasyonan embazê ma tepişîyenê. Neyar û cîyakero tewr pîl îqtîdarê AKP-MHPyî yo.''

Hemsereka Pêroyî ya Pervîne Buldane bi selamkerdişê Fîgene Yuksekdag û Gultene Kişanak, Nûrhayate Altûn û Edibe Şahîn dest pê qiseykerdişê xo kerd û vat: ''14ê gulane de şarê ma wa morê xo bido binê Partîya Çep a Keske ro, binê dare ro. Ma soz danê ke ma do îqtîdarê AKP-MHPyî bikerê partîyêka tabela. Derdê AKP-MHPyî teyna pere û ameyoxê çeteyanê ci yo. Ma armanc kenê ke 100 wekîlan bişawê Meclîsî. Wa şarê ma goş nêdo çîyo ke Erdogan vano. Ma do bi serkewtişî Selahattîn jî, Fîgen jî, Gultan jî, Sebahat jî û Ayla jî zîndanî ra vejê.''