Hemsereka Pêroyî ya HDPyî Pervîne Buldan çarçewa xebatanê weçînayîşî de Hemsereka SYKPyî reyde vizêr Dîlok de bîye ke herêma erdlerzê 6 seibate ya. Şarî bi coşî konvoy pêşwazî kerd. Heyetî dima taxa Vatanî de buroyê weçînayîşî akerd.

Akerdiş de verî Hemsereka HDPyî ya Dîlokî Aytene Kaya û Hemsereka SYKPyî Canane Yuce qisey kerd û vat: ''Ma do welatêko ke tede wayûbirayî est a, awan bikerê.''

Dima Pervîne Buldan qisey kerd û vat: ''AKP-MHPyî seba ke verê HDPyî bigêro pêro dek û dolabî kerdî. La ma soz da HDPyî. Ma do vera dek û dolabanê înan hemleya xo bikerê. Ma bire daye ke binê nameyê Partîya Çep a Keske de şorê weçînayîşan. Partîya Çep a Keske Tirkîya de do biba veng û rengê her kesî. AKPyî nê 21 serran de welat visna çi halî. Erdlerz de ê 3 roja nêasayî. Ma do çîyo ke ameyo Dîlokî ser, xo vîr a nêkerê. 14ê gulane de ma do dersêka girînge bidê AKPyî ke tarîxê sîyasetî de do nêro vîrê çewî.''

Wexto ke Buldane qisey kerdêne şarî tim sloganê ''Hukmat îstîfa'' vat. Qiseykerdişê Buldane ra dima zî şarî pîya sloganê ''Bijî Serok Apo'' vat.

Dima bi govendan buroyê weçînayîşî ame akerdene.