Buldane û Sancar: Ma vizêrî ra xurtêr ê, ma do siba hîna xurtêr bê

Hemserekanê Pêroyîyan ê HDPyî Pervîne Buldan û Mîthat Sancarî beşdaranê Kongreya Pîle ya 5. ya HDPyî ra sipas kerd.

Hemserekanê Pêroyîyan ê HDPyî Pervîne Buldan û Mîthat Sancarî beşdaranê Kongreya Pîle ya 5. ya HDPyî ra bi mesajêkî sipas kerd.

Buldane û Sancarî mesajê xo de wina vat: ''Ma her keso ke kongreya ma vurnaya kongreya vurîyayîşê Tirkîya spas kenê. Şert û mercanê îstîsnayîyan ê Tirkîya de û mîyanê atmosferê krîzî de şarê ma Kongreya ma ya 5. vurnaye roşanê demokrasî, qerardarîya ma ya têkoşînî zêdînaye û îsbat kerd ke pêro astengî û hêrişî elenê pê zanistî, îrade û fedakarî bêrê derbazkerdene.

Embazê ke ma têna nêverdayî, kesê ke vera hêrişan paştdayîşê xo mojna ma, rêxistinanê komelê sivîlî, temsîlkarê partîyan, keyeyê ke bedelî dayê,

Partîyê ke Rojhelatê Mîyanênî ra heta Ewropa, Kurdîstanî ra heta Balkanan ameyî û kongreya ma vurnaya kongreya enternasyonelîste,

Înan rê, kedkaranê çapemenîye rê, embazanê ma, îdarekar, zerrîwazanê partîye û kedkaranê partîye rê ma zaf sipas kenê.

Na kongre kongreya vurnayîşê Tirkîya zî bîye. Îqtîdarî reyna tersê kongreya ma ra hêriş û tehqîqatî ardî ziwan. Ma vizêrî ra xurtêr ê, ma do siba zî hîna xurtêr bê. Ma reyna vanê ke 'çareserî ma yê, vateyê ma est o.' Ma do bi mesuldarîya na kongre ameyoxê şarê xo roşnî bikerê.''