Avûkatanê Rayberê Şarê Kurdî Abdullah Ocalanî pêvînayîşê xo yo peyên bi Ocalanî 7ê tebaxa 2019î de kerdbi. Buroyê Huqûqî yê Asrinî bi wesîleya serrgêra pêvînayîşî hesabê xo yê medyaya sanale ra eşkerayîye daye.

Eşkerayîye de wina ame vatene: ''5 serrî verî ewro pêvînayîşê avûkatan de Birêz Ocalanî serê îhtîmalê pêkewtişî yo ke Serekanîye û Gire Sipî de rojdem de bi vat o eşkeno şerî hewteyêk de biqedîno, nebo birînê giranî yê komelkî benî a û ekonomî binê na rewşe de manena. La vengdayîşê Ocalanî yê çareserî û dîyalogî bêvewab ame verdayene.''

Eşkerayîye de ame vîrvistene ke badê nê pêvînayîşî, pêvînayîşê avûkatan ame qedexekerdene û wina ame vatene: ''Nê prosesî de herinda hêzdarkerdişê komelî de sere de ekonomî her hetî ra komel kewt tengayî. Sîstemê tecrîdî yê Îmraliyî her kesî ser  tesîro xirab kerd. Sîstemê huqûqî ame serûbinkerdene. Ganî helêke cuwa ver gamê demokratîkî bêrê eştene û Îmrali de pêvînayîşê avûkatan bêrê kerdene.''