Aşma Remezanî ke semedê musluman aşmêka bimbarek a emser zî şertanê zehmetan ê janî de dest pêkerde. Komelê Îslamî yê Kurdîstanî (CÎK) emser zî do fitir, zekat û biresno Kurdîstanî. Serekê Pêroyî yê CîKî Hafiz Ahmet Turhaliyo ke rojnameyê Yenî Ozgur Polîtîka rê qisey kerd semedê tewrbîyayîşê kampanyaya înan veng da.

Turhalîyî vist vîrî ke Aşma Remazanî aşma bereket, paştdayîş, parekerdiş û hetkarî ya û vat: ''Ma par resayê bi hezeran keyeyan. Eke emser zî ma kampyanyaya xo rind rayra berê ma do na hûmare bikerê des hezar. Ma pêro bibê yew paştî bidê şarê xo yê ke tengayî ancenê. Şarê ma yo ke rîyê kerdişanê dewlete ra tengayî de yo ma ganî wayîrê înan vejîyê. No hem wezîfeyê ma yo dînî, hem zî merdimî û welatperwerîye yo. Hûma zaliman îlah bikero  û mazlûman biresno azadîye û heqanê înan.''

Turhaliyî vat qalkerdişê înan ê Aşma Remezanî her roje saete15.00, 16.00, 18.00î de Facebok ra Bawerî-Cîk-Tvyî û YouTube Bawerî Tvyî hesabanê medyaya sanalî ra eşenê bêrê teqîpkerdene.