Serekê Pêroyî yê Komelê Îslamî yê Kurdîstanî (CÎK) Hafiz Ahmet Turhalliyî bi mesajêkê vîdeoyî hêrişê dewleta tirke yê vera Rojawanî şermezar kerdî.

Turhalliyî vat: ''Dewleta tirke hetêkî ra hêrişanê Îsraîlî yê vera Gazze ana rojdemî la hetê bînî ra bi giranî Rojawanî dana bombayan ver. Dewleta tirke Rojawan de merdimanê sivîlan qetil kena, hêrişê binawanî, nêweşxane û dezgehanê xizmetî kena. 

Wa şarê ma destê ci ra çi bêro bikero. Ganî ma nê zaliman vindarnê. Cayêk de zulm est bo hînî uca de Îslamîyet çin o. Eke ma vera hêrişanê serê Rojawanî tênêgêrê ma mesuldarê nê hêrişan benê. Coka ma vera zulmî wurzê we. Dewleta tirke hêrişê Rojawanî kena. Çira? Çunke Başûr de vera şerwananê azadîye bin kewte. Dewleta tirke qesasê ney sivîlan ra gêna. Ma vera nê zaliman vengê xo berz bikerê. Wa her kes vera zaliman vejîyo waran.''