Tepişteyê dewaya PKK û PAJKî 27ê teşrîna peyêne ra nata vera tecrîdê serê Rayberê Şarê Kurdî Abdullah Ocalanî û seba çareserîya meseleya kurdan grevê vêşanîye de yê.

Hemsereka MATUHAYDERî Dîleke Demîr derheqê babete de ANFyî rê qisey kerd.

Dîleke Demîr pare kerd ke waştişê tepişteyan eşkera yê û keye û merdimenê tepişteyan zî seba paştdayîşê înan Nobeta Edaletî kenê. Dîleke Demîr ard ziwan ke zîndanan de îdareyî vera tepişteyanê grevê vêşanîye teda kenê û vat: ''Nika 122 zîndanan de çalakîya grevê vêşanîye est a. Goreyê agahîyanê ke dîyayê ma Zîndananê Antalya, Tekîrdag û Sîlîvrî de tepişteyanê grevê vêşanîye rê cezaya hucreyê yewkesî ya 10 rojan dîyena.

Tepişteyan bi rayîrê keyeyanê xo ma rê nê çîyî resnayî: 'Ma çalakîya xo rê heta 15ê sibate dewam bikerê. La eke waştişê ma nêrê caardene ma do wextê grevî dergêr bikerê. Ma hol ê û moralê ma zî hol o.' Hetê bînî ra ancî ma rê ame parekerdene ke vîtamînî nêdîyenê tepişteyanê grevî. Ma îradeyê verê tepişteyanê grevî de rêz gênê.''