Dewaya ke bi îdîyaya ''propagandaya rêxistine'' vera wekîla verên a HDPyî Aysele Tugluk ameybî akerdene, roniştişê ci yê qerarî 14ê çeleyî de Mehkemeya Cezaya Giran a 6ine ya Dîyarbekirî de ame kerdene.

Aysele Tugluk bi sebebê rewşa ci ya weşîye tewrê ci nêbîye, avûkatê ci Serdar Çelebî roniştiş de hazir bi. Heyetê mehkema bi îdîaya ''propagandaya rêxistine'' cezaya zîndanî ya 3 serran daye Tugluke.

Aysele Tugluka ke wextêk hemserekîya Kongreya Komelê Demokratîkî kerdbî 2016 de ameybî  tepiştene û cezaya 10 serran dîyayebî ci.  Aysele Tugluka ke zîndan de nêweşîya Demansî girewte bi raporê nêeşkena zîndan de bimano yê Dezgehê Tipê Edlî 27ê teşrîna peyên a 2022yî de Zîndanê Kocaelî ra ameybî tehlîyekerdene.