Meclîsê Cinîyan ê HEDEPî verê Kampusê Zîndanê Sîncanî de startê kampanyaya xo ya Roja Têkoşînê Vera Şîdetê Serê Cinîyan a 25ê Teşrîna Peyêne, bi çalakîyêke da. Wekîlê HEDEPî û xeylêk cinîyî tewrê çalakîye bîyî. 

Vervatoxa Meclîsê Cinîyan ê HEDEPî Halîde Turkoglu çalakîye de qisey kerd û vat: ''Seba ke embazê ma yê cinîyî nê zîndanî de tepişîyenê û bi Dewaya Kobanê vera têkoşînê cinîyan hêriş yeno kerdene ma tîya de çalakîye kenê. Waştişê embazanê ma yê tepişteyan waştişê ma yê. Têkoşînê azadîye yo ke ê pawitişê ci kenê seba cuya cinîyan hetê ma ra yeno pawitene.

Şexsê Wayanê Mirabelan de ewro pêro cinîyî kuçeyanê dinya de yê. Ma nêwazenê goreyê waştişanê dewletan û camêrdan biciwîyê. Îqtîdarê AKP-MHPyî nê 22 serran de tim destkewteyê cinîyan xesp kerdî û kerd ke bi sîstemê serdestîya camêrdan welatî îdare bikero. Coka no îqtîdar rejîmê şîdetî yo.''