5ê hezîrana 2012î ra nata verê Konseya Ewropa ya Strasbourgî de semedê azadîya Rayberê Şarê Kurdî Abdullah Ocalanî çalakîya 'Nobeta Azadîye' yena kerdene. 

Nobeta 'Ocalanî rê Azadîye' pê endamanê Têgêrayîşê Ciwanan ê Şorişgêran (TCŞ) Mîchalle Muller, Çekdar Kerboran û Dirêj Avaşîn hewteyê 492. de dewam kena. 

Mullerî nameyê kome ser o qisey kerd. Muller ard ziwan ke PKK û paradîgmaya Rayberê Şarê Kurdî têna seba kurdan nîyo têkoşînêko enternasyonalîst o. Mullerî vat: ''Reçeteyê xelisîyayîşê bindestan Konfederalîzmo Demokratîk o. Hêzê mîyanneteweyî şexsê Rayber Apoyî de wazenê têkoşînê bindestan çin bikerê. Vera komployê mîyanneteweyî Rayber Apoyî xoverdayîşêko pîl kerd. Wezîfeyê ma yo ke ma nê xoverdayîşî geş bikerê û azadîya Rayber Apoyî bîyarê ca.''

Mullerî îfade kerd ke verê dezgehanê Ewropa de 10 serrî yo Nobeta Azadîye dewam kena û vat: ''Ewropa kurdan û bindestan rê deyndar a. Ganî Ewropa PKKyî lîsteya terorî ra veja.''