Muzîsyen Cîhan Aymaz 3yê gulane de seba ke deyîra ''Olurum Turkiyem'' nêvatbî hetê nîjadperest Mehmet Caymazî ra kişîyabi. 

Partîya Çep a Keske roja qetilkerdişê Aymazî de, çalakîyêka protestoyî kerdbî. Ciwanî Aydin Koçuk û Mehmet Îkto çalakîye ra dima hetê polîsan ra ameyî teqîbkerdene û dima zî ameyî destbendkerdene. Polîsan wird ciwanî berdî Qereqolê Rihtimî, tîya de îşkence û heqaretê ciwanan kerd. Ciwanî îşkenceyî ra dima bi îdîaya ''vera polîsan vejîyayîş'' sewqê Edlîyeya Anadoluyî ameyî kerdene. Koçuk û Îkto îfadeyî ra dima dozgerîye de vera dîyayî.

Endamê OHDyî û avûkatê ciwanan Muslum Kocaogluyî da zanayene ke ciwanan polîsê îşkencekerî Ercan Bulut û Kemal Aslan teşhîs kerdî û gerreyê înan kerd.