Taxa Ova ya qezaya Seyhanî ya Adana de ciwananê Partîya Çep a verê buroyê weçînayîşî yê cinîyan de şayîyêke viraşte. Ciwanan meşaleyî vistî ta û pê fîşekanê hewayî şewe kerde roşnî. Namzetê Adana yê partîye Tulaye Hatîmogullari, Rojbîne Çelîk, Ferhat Kabaîş û Şukrane Efeturk zî tewrê şayîye bîyî. Ciwanan şayîye de vera sloganê sey ''Bijî Serok Apo", "Bê Serok jiyan nabe" vatî.

Tulaye Hatîmogullari û Rojbîne Çelîk şayîye de qisey kerd û pare kerd ke ciwanî vengê azadîye yê û eşkenê meseleyan çareser bikerê.

Ciwanan dima govende girewte.  Polîsanê tirkan pê wesayîtanê zirxînan xo eşt mîyanê ciwanan û waşt ke provakasyonî bikerê. Polîsan guleyî eştî. Xoverdayîşê ciwanan ra dima polîsî şîyî. Wextêkî ra pey polîsan narey pê bombayanê gazî hêrişê ciwanan kerd. Ciwanan zî polîsî dayî kerrayan ver.

Hêrişî ra dima polîsan pê zabitayan verê buroyê weçînayîşî rê alê partîye dayî wedaritene.