DÎSK, KESK, TMMOB û TTByî dest pê kampanyaya îmza kerd
DÎSK, KESK, TMMOB û TTByî pê sernameyê ''Têkoşînê vera vîrusê Korona de 7 tebdîrê seba pawitişê weşîye, kar û werdê şarî'' dest pê kampanyaya îmza kerd.
DÎSK, KESK, TMMOB û TTByî pê sernameyê ''Têkoşînê vera vîrusê Korona de 7 tebdîrê seba pawitişê weşîye, kar û werdê şarî'' dest pê kampanyaya îmza kerd.
Konfederasyonê Sendîkayanê Karkeran ê Şorişgêran (DÎSK), Konfederasyonê Sendîkayanê Kedkaranê Umûmîye (KESK), Yewîya Odayanê Mîmaran û Muhendîsan ê Tirkan (TMMOB) û Yewîya Tabîban ê Tirkan (TTB) seba têkoşînê vera vîrusê Korona metno ke 7 waştişanê tebdîrî ra yeno meydan amade kerd û pêşkêşê îmzaya dezgehan, sazhehan û kesayetan kerd.
Waştişê ke metn de ca gênê wina yê:
''-Karanê bingeyî, neçarî, lezabezan ra ber ganî pêro karî bêrê vindertene
-Wextê janê Korona de vetişê karî ganî bêro qedexekerdene, esnafanê qijkekan rê paştî bêro dayene, xebatkaran rê destûro bimeaş bêro dayene û meaşê bêkarî ganî bêşert bêrê dayene.
-Deynê kredî, faturayê awe, ceyran, gazê tabîyî û îrtîbatî sey bêfaîz bêrê taloqkerdene.
-Dezgehê weşîye yê taybetî nê wextî de ganî binê kontrolê umûmîye de bibê, hemwelatî bêşert ganî bieşkê xo biresnê xizmetanê weşîye û no xizmet ganî bêpere bibo.
-Koordînasyonê têkoşînê vera vîrusê Korona de ganî dîsîplînêko xurt bibo, zanayîşî ganî bi hawayêkê zelalî bêrê parekerdene.
-Sere de doktor û xebatkarê weşîye û şaredarîye ganî pêro hewcedarîyê xebatkaran bêrê peydakerdene û ganî bi hawayêkê nîzamî xebatkaran rê testê vîrusî bêro kerdene.
-Seba merdimanê xizanan, koçberan û tepişteyan tebdîrê qanûnî û pratîkî bêrê girewtene ke cu û weşîya nînan do bipawê.
Metnê îmza: